ലേഖനം


അ­വി­ട്ട­വും ച­ത­യ­വും ഒ­ന്നി­ച്ച്‌, അ­നു­യാ­യി­കൾ ഭി­ന്നി­ച്ച്‌

കുരീപ്പുഴ ശ്രീകുമാര്‍
അ­പൂര്‍വ­മാ­യി മാ­ത്ര­മേ ഇ­ങ്ങ­നെ ചി­ല ന­ക്ഷ­ത്ര­സം­യോ­ഗ­ങ്ങള്‍ ഉ­ണ്ടാ­കൂ. ന­ക്ഷ­ത്ര­സം­യോ­ഗ­ങ്ങള്‍ ഭൂ­മി­യി­ലെ മ­നു­ഷ്യ­രെ സ്വാ­ധീ­നി­ൽക്കു­ക­യി­ല്ലെങ്കി­ലും ന­ക്ഷ­ത്രം നോ­ക്കി പി­റ­ന്നാള്‍ ­നിശ്ചയിക്കുന്ന­വ­രെ­യും ആ­ച­രി­ക്കു­ന്ന­വ­രെ­യും മ­നു­ഷ്യ­സ­മൂ­ഹ­ത്തി­ന്‌ ഒ­ഴി­വാ­ക്കാൻ ക­ഴി­യി­ല്ലല്ലോ.

ചി­ങ്ങ­മാ­സ­ത്തി­ലെ അ­വി­ട്ടം നാ­ളില്‍ ജ­നി­ച്ച ആ­ളാ­ണ്‌ അ­യ്യൻ­കാ­ളി. ച­ത­യ­ദി­ന­ൽത്തില്‍ ശ്രീ­നാ­രാ­യ­ണ­ഗു­രു­വും. ര­ണ്ടു­പേ­രു­ടെ­യും പി­റ­ന്നാള്‍ ആ­ഘോ­ഷ­ങ്ങള്‍ കേ­ര­ള­ത്തില്‍ ന­ട­ക്കാ­റു­​‍ണ്ട­ങ്കി­ലും ര­ണ്ടി­ലും ഒ­രു­പോ­ലെ പ­​‍ങ്കെ­ടു­ക്കു­ന്ന­വര്‍ തീ­രെ കു­റ­വാ­ണ്‌. ഉ­ദ്‌­ഘാ­ട­ന­വേ­ഷ­ക്കാ­രാ­യ ചി­ല മ­​ന്ത്രിമാ­രോ ആ­ശം­സാ­പ്ര­സം­ഗ­ക്കാ­രാ­യ ചി­ല സാ­ഹി­ത്യ­കാ­രോ മാ­ത്ര­മേ­ ഇ­രു­വേ­ദി­ക­ളി­ലും ഒ­രു­പോ­ലെ എ­ത്താ­റു­ള്ളൂ.

ഈ മ­ഹ­ത്തു­ക്ക­ളു­ടെ പി­റ­ന്നാള്‍ ആ­ഘോ­ഷ­ങ്ങള്‍ ജാ­തീ­യ­മാ­യി സം­ഘ­ടി­പ്പി­ക്കു­ന്നു എ­ന്ന­താ­ണ്‌ ഒ­രു പ്ര­ധാ­ന­ദോ­ഷം. കേ­ര­ളം ക­ണ്ട മ­ഹാ­വി­പ്ള­വ­കാ­രി­ക­ളാ­യ അ­യ്യൻ­കാ­ളി­യു­ടെ­യും നാ­രാ­യ­ണ­ഗു­രു­വി­ന്റെയും ഓര്‍മ്മകൂട്ടായ്മകള്‍ ഏറ്റെടുക്കാനുള്ള  വി­ശാ­ല­ഹൃ­ദ­യ­ത്വം പു­രോ­ഗ­മ­ന രാ­ഷ്‌­ട്രീ­യ പ്ര­സ്ഥാനങ്ങ­ളും സാം­സ്‌­ക്കാ­രി­ക സം­ഘ­ട­ന­ക­ളും പാ­ലി­​‍ക്കേണ്ട­താ­ണ്‌.

സം­ഘ­ട­ന­യ്‌­ല്ക്ക്‌ ജാ­ത്യാ­ഭി­മാ­നം വര്‍ദ്ധിച്ചതിനാല്‍ നാ­രാ­യ­ണ­ഗു­രു ത­​‍ന്നെ  കൈ­വെ­ടി­ഞ്ഞ പ്ര­സ്ഥാന­മാ­ണ്‌ എ­സ്‌ എൽൻ ഡി പി യോ­ഗം. എ­ന്നാല്‍ അ­തി­ന്റെ സ്ഥാപന കാലത്ത്  ഈ­ഴ­വ­സ­മു­ദാ­യം, ഹി­ന്ദു­മ­ത­ത്തിന്റെ ഒരു ഉള്‍പ്പി­രി­വ­ല്ലെന്നും അ­തൊ­രു സ്വ­തന്ത്ര സ­മു­ദാ­യ­മാ­ണെ­ന്നുമുള്ള ചി­ന്ത പ്ര­ബ­ല­മാ­യി­രു­ന്നു. അ­തു­കൊ­ണ്ടു­ത­​ന്നെ  ജാ­തീ­യ­പീ­ഡ­നം അ­നു­ഭ­വി­ച്ച എ­ല്ലാവ­രെ­യും യോ­ഗം യോ­ജി­പ്പി­ച്ചു നിര്‍ത്തി .വ­ലി­യ സ്വീ­കാ­ര്യ­ത­യാ­ണ്‌, ഇ­രു­പ­താം നൂ­റ്റാണ്ടി­ന്‍റെപ്രാ­രം­ഭ­കാ­ല­ത്ത്‌ യോ­ഗ­ത്തി­നു ല­ഭി­ച്ച­ത്‌. 1927ല്‍അ­റു­പ­ത്തി­മൂ­വാ­യി­ര­ത്തി അ­റു­ന്നൂ­റ്റി  എ­ഴു­പ­ത്തി­നാ­ല്‌ അം­ഗ­ങ്ങള്‍ യോ­ഗ­ത്തി­ലു­ണ്ടാ­യി­രു­ന്നു. ഈ കൂ­ട്ട­ത്തില്‍ഏറ്റവും പി­ന്നി­ലാ­ക്ക­​പ്പെട്ട  പ­റ­യര്‍ പു­ല­യര്‍ തു­ട­ങ്ങി­യ വി­ഭാ­ഗ­ക്കാ­രും സ­വര്‍ണ്ണ­ഹി­ന്ദു­ക്ക­ളും മു­സ്‌­ലി­ങ്ങ­ളും ക്രി­സ്‌­ത്യാ­നി­ക­ളു­മു­ണ്ടാ­യി­രു­ന്നു. ഇന്ന്   എ­സ്‌ എൽൻ ഡി പി യോ­ഗ­ത്തില്‍ ഈ­ഴ­വേ­ത­ര ജ­ന­ത­യെ കാ­ണ­ണ­മെ­ങ്കില്‍ ഒ­രു മൈ­ക്രോ­സ്‌­​ക്കോപ്പിന്റെ സ­ഹാ­യം വേ­ണ്ടി­വ­രും.

എ­സ്‌ എൽൻ ഡി പി യോ­ഗ­ത്തി­നു ചെ­യ്യാ­മാ­യി­രു­ന്ന ഒ­രു വ­ലി­യ കാ­ര്യം, നൂ­റ്റാണ്ടു­ക­ളാ­യി പാര്ശ്വവല്‍ക്കരിക്കപ്പെട്ടു വരുന്ന  അ­ധഃ­സ്ഥിത­ജ­ന­ത­യെ ഐ­ക്യ­​‍പ്പെടു­ത്തി സാ­മ്പ­ത്തി­കസാം­സ്‌­ൽക്കാ­രി­ക മുന്നേറ്റം  ന­ട­ത്തു­ക എ­ന്ന­താ­യി­രു­ന്നു. ജാ­തീ­യ­മാ­യി ഭി­ന്നി­പ്പി­ച്ചു നിര്‍ത്താ­നും അ­ക­ലം പാ­ലി­ക്കാ­നു­മു­ള്ള എ­ല്ലാ  കു­ടി­ല ത­​ന്ത്രങ്ങ­ളും  സ­വര്‍ണ­ഹി­ന്ദു­ത്വം നി­യ­മ­മാ­ക്കി­യി­രു­ന്ന­ല്ലോ..  ജാ­തി­വ്യ­വ­സ്ഥ ദൈ­വ നി­ശ്ചയ­മാ­ണെ­ന്ന പ്ര­ഖ്യാ­പ­ന­​‍ത്തോടെ­യാ­ണ്‌ ഈ നീ­ച­കൃ­ത്യം ന­ട­പ്പി­ലാ­ക്കി­യ­ത്‌. അ­തി­ന്‍റെ ഇ­ര­കള്‍ നാ­രാ­യ­ണ­ഗു­രു­വിന്‍റെയും അ­യ്യൻ­കാ­ളി­യു­ടെ­യും കാ­ഴ്‌­ച­പ്പാ­ടു­ക­ളു­ടെ അ­ടി­സ്ഥാത്തില്‍ ഒ­ന്നി­ച്ചു നില്‍ക്കേണ്ട­താ­യി­രു­ന്നു.

ഈ വർ­ഷം, ച­ത­യം അ­വി­ട്ടം എ­ന്നു ര­ണ്ടു ദി­ന­ങ്ങൾ ഇ­ല്ലാ­യി­രു­ന്നു. അ­താ­യ­ത്‌ അ­യ്യൻ­കാ­ളി­യു­ടെ­യും നാ­രാ­യ­ണ­ഗു­രു­വി­ന്റെ­യും ജ­ന്മ­ദി­ന­ങ്ങൾ ഒ­റ്റ­ദി­വ­സം ത­ന്നെ ആ­യി­രു­ന്നു. ചി­ലർ നാ­ഴി­ക­ നോ­ക്കി  അ­യ്യൻ­കാ­ളി­യെ തി­രു­വോ­ണ­പ്പി­റ­ന്നാ­ളു­കാ­ര­നാ­ക്കി. മ­രി­ച്ച­വ­രു­ടെ ജാ­ത­കം നോ­ക്കു­ന്ന­ത്‌ ശ­രി­യ­ല്ല­ല്ലൊ.
ര­ണ്ടു­മ­ഹാ­മ­നു­ഷ്യ­രു­ടെ­യും ജ­ന്മ­ദി­നം പ്ര­മാ­ണി­ച്ച്‌ സം­യു­ക്ത­മാ­യ ആ­ഘോ­ഷ­ങ്ങൾ കേ­ര­ള­ത്തി­ലു­ണ്ടാ­യി­ല്ല. സ­മ്പ­ന്ന­സം­ഘ­ട­ന­യാ­യ എ­സ്‌ എൻ ഡി പി യോ­ഗം ആർ­ഭാ­ട­ത്തോ­ടെ ഗു­രു­ജ­യ­ന്തി ആ­ഘോ­ഷി­ച്ചു. അ­യ്യൻ­കാ­ളി ജ­യ­ന്തി അ­നാർ­ഭാ­ട­വും ദുർ­ബ്ബ­ല­വു­മാ­യി ആ­ച­രി­ക്ക­പ്പെ­ട്ടു. ഒ­ന്നി­ച്ചു നിൽ­ക്കേ­ണ്ട­വർ ഭി­ന്നി­ച്ചു നി­ന്നു. ന­ക്ഷ­ത്ര­ങ്ങ­ളാ­യി കൈ­കോർ­ത്തു നി­ന്ന്‌ യു­ഗ­പു­രു­ഷ­ന്മാർ ചി­രി­ച്ചി­ട്ടു­ണ്ടാ­കും.

അ­വി­ട്ട­വും ച­ത­യ­വും ഒ­റ്റ­ദി­വ­സം വ­ന്ന­തി­നാൽ കു­ടു­ങ്ങി­യ­ത്‌ ബാർ മു­ത­ലാ­ളി­മാ­രാ­ണ്‌. അ­വി­ട്ട­ത്തി­ന്‌ തു­റ­ക്ക­ണം. ച­ത­യ­ത്തി­ന്‌ അ­ട­യ്‌­ക്ക­ണം. തു­റ­ക്കു­ക­യും അ­ട­യ്‌­ക്കു­ക­യും ചെ­യ്‌­തു ബു­ദ്ധി­മു­ട്ടാ­തി­രി­ക്കാൻ അ­വ­രൊ­രു ഉ­പാ­യം ക­ണ്ടു­പി­ടി­ച്ചു. മുൻ­വാ­തി­ല­ട­ച്ചി­ട്ട്‌ കി­ളി­വാ­തിൽ തു­റ­ന്നു­വ­ച്ചു. എ­ന്തി­നു­മു­ണ്ട­ല്ലോ ഒ­രു പ­രി­ഹാ­രം.

Comments

 
Shamsu    2014-10-21 17:05:56
മുൻ­വാ­തി­ല­ട­ച്ചി­ട്ട്‌ കി­ളി­വാ­തിൽ തു­റ­ന്നു­വ­ച്ചു, എല്ലാ കാര്യത്തിലും ഇത് തന്നെയല്ലേ അവസ്ഥ
 
 
    2014-09-22 00:00:14
പുരൊഗമനപ്രസ്താനങ്ങൽ പോലും പട്ടികജാതി സന്ക്ഗടന ഉണ്ടാക്കുന്ന തിരക്കിലാനല്ലോ?
 
 
അനിൽ കുമ    2014-09-21 19:37:29
തികച്ചും കാലിക പ്രസക്തം
 
 
സന്തോഷ്&    2014-09-21 11:10:36
അവസരോചിതമായ ലേഖനം. നന്നായി
 

സംവാദത്തിലേക്ക്‌ സ്വാഗതം

പേര് *

ഇ-മെയില്‍ വിലാസം*

മൊബൈല്‍ നമ്പര്‍*

ഇവിടെ മംഗ്ളീഷില്‍ എഴുതാം ...Ctrl+G അമര്‍ത്തി ഭാഷ മാറ്റാം ...

Verification Code